O deus do pop | Guerra de identidade

O deus do pop de Diego Anido

Diego Anido presenta unha autobiografía de carácter fantástico a medio camiño entre a súa vida na Galicia dos 80 e a dunha estrela do pop americana. Desde a tenrura e o humor absurdo reflexiona sobre como cada persoa creamos un relato para conformar a nosa identidade coas nosas vivencias pasadas e desexos futuros.

Guerra de identidade de Déborah Vukušić

Obsesionada coa figura ausente e controvertida do seu pai (deportista de elite e militar na guerra dos Balcáns) unha muller, metade galega, metade croata, narra a viaxe que traza para coñecer á súa familia. Facendo ao espectador cómplice de segredos inconfesables e cun pano de fondo que danza entre guerras históricas e conflitos individuais, conta a súa batalla, loitando entre o dramático e o cómico, o testemuño e a imaxinación e a memoria persoal e a colectiva. Esta é unha historia real revivida pola súa protagonista.