Amantis | Pyka

Amantis de Tamara Canosa e Xacio Baño

Amantis. Selfies, sexting e outras formas de amar(se) conta a historia de M. un rapaz de barrio obreiro que quere ser influencer, amado, aceptado. Nese camiño topará coas trampas dun universo intanxible no que non todo é o que parece e no que descubrirá que el mesmo non é quen pensaba ser. 

Os autores buscan con esta obra unha vía de aprendizaxe para as persoas da súa xeración e, á vez, un espello no que a mocidade poida mirarse e recoñecer(se). 

Pyka de Cinema Sticado e Julio Fernández

PYKA, que en ruso significa ‘brazo’, é a historia e o remake dunha película desaparecida da cal só queda un documento sonoro e o seu título. O punto de partida é un relato familiar de Helena Varela que sitúa a súa avoa Gelines como única testemuña dunha película de animación que fixo unha tal Olga Lebèdev na Rusia stalinista, en colaboración co director de cine Sergei Eisenstein.  A edición de Pyka inclue as partituras das composicións musicais de Brais González, que xoga un papel moi importante na configuración do espectáculo.