A teteira de Kabul | E que nunca chorei

Texto teatral a partir do conto homónimo de Carolina Pujadas Torné. Unha peza destinada a rapazada de entre 6 a 12 anos que nos presenta a historia de Mina, unha nena afgá que vive coa súa familia tranquila e felizmente ata que a guerra irrompe na súa cotiandade. A casa familiar de Mina sofre afectacións polos bombardeos e a familia vese obrigada a fuxir: primeiro polas rúas de Kabul, logo ao campo para persoas refuxiadas de Jalalabad e, finalmente, emprendendo unha perigosa viaxe en busca dun lugar no que reconstruír e continuar as súas vidas.

Ao longo da peza vanse expoñendo poeticamente os soños, anhelos e frustracións das persoas refuxiadas así como as situacións de desamparo, vulneración de dereitos e dor que a miúdo as acompañan no seu tránsito.